Tidlegfase teknologioverføring 2025-2026: Info- og innspelsmøte nr. 3

Forskingsrådet vil i løpet av hausten 2024 lyse ut om lag 140 millionar kroner til tidlegfase teknologioverføring, for åra 2025 og 2026, retta mot godkjende, norske forskingsorganisasjonar. I førre utlysingsrunde, for åra 2023-2024, vart innsende kommersialiseringssøknader dei siste fem åra lagt til grunn for kven som kunne søkje og kva søknadsbeløp. Dette er Info- og innspelsmøte nr. 3, det første møtet vart gjennomført 5. desember 2023 og det andre møtet 9. april 2024. I dette møtet vil vi presentere førebelse planar og be om innspel.

Program

• Velkommen ved Forskingsrådet
• Inviterte innlegg frå ulike aktørar  
• Forskingsrådet presenterer førebelse planer
• Open runde – spørsmål og kommentarar frå deltakarar  
• Avslutning – Forskingsrådet avrundar og samanfattar
   

Her kan de sjå arrangementssida for første innspelsmøte og arrangementssida for andre innspelsmøte. Vi gjer merksame på at det her ligg opptak av arrangementa.